തിരുവനന്തപുരം: തലസ്ഥാന നഗരത്തില്‍ ഇന്നലെ വൈകിട്ടോടെയുണ്ടായ ശക്തമായ മഴയിലും കാറ്റിലും നിരവധിയിടങ്ങളില്‍ മരങ്ങള്‍ കടപുഴകി. മിക്കയിടങ്ങളിലും വൈദ്യുതി ലൈനിലേക്കാണ് മരങ്ങള്‍ മറിഞ്ഞ് വീണത്. ഇതേതുടര്‍ന്ന് വൈദ്യുതിവിതരണം താറുമാറായി.
നഗരത്തില്‍ സെക്രട്ടേറിയറ്റ് അനക്‌സിനു സമീപം, പ്രസ് ക്ലബിനു സമീപം, കുന്നുകുഴി, ക്ലിഫ് ഹൗസിനു സമീപം, പേരൂര്‍ക്കട, വട്ടിയൂര്‍ക്കാവ് എന്നിവിടങ്ങളിലാണ് മരം വീണത്. വട്ടിയൂര്‍ക്കാവിലും ക്ലിഫ് ഹൗസിനു സമീപത്തും രണ്ടിടങ്ങളിലാണ് മരങ്ങള്‍ കടപുഴകിയത്. ഇന്നലെ വൈകുന്നേരം ആറു മണിയോടെയാണ് ഇടിയോടുകൂടി ശക്തമായ മഴയും കാറ്റുമെത്തിയത്.