തിരുവനന്തപുരം: സ്‌കൂളുകളെല്ലാം ശുചിയാക്കി പ്രവര്‍ത്തന സജ്ജമായെന്നും ഇന്നു സ്‌കൂളുകള്‍ തുറക്കുമെന്നും ആലപ്പുഴ ജില്ലയിലെയും എറണാകുളം ജില്ലയിലെ പരവൂര്‍, ആലുവ എന്നിവിടങ്ങളില്‍ ദുരിതാശ്വാസ ക്യാംപുകള്‍ പ്രവര്‍ത്തിക്കുന്ന സ്‌കൂളുകള്‍ തുറക്കില്ലെന്നും മുഖ്യമന്ത്രി അറിയിച്ചു.
ദുരിതാശ്വാസ ക്യാംപുകളില്‍ 53,703 കുടുംബങ്ങളില്‍ നിന്നായി 1,97,518 പേരാണ് ഇപ്പോഴുള്ളതെന്ന് മുഖ്യമന്ത്രി പറഞ്ഞു. ഓഗസ്റ്റ് 21ന് 3,91,494 കുടുംബങ്ങളിലായി 14,50,707 പേരാണ് ക്യാംപുകളിലുണ്ടായിരുന്നത്.
ക്യാംപിലെത്തിയ 3,37,791 കുടുംബങ്ങളും അതിലെ അംഗങ്ങളായ 12,53,189 പേരും പുനരധിവാസ പ്രവര്‍ത്തനത്തിന്റെ ഭാഗമായി വീടുകളിലേക്ക് തിരിച്ചെത്തി.