മക്ക: ഹജ്ജിനായി ഇന്ത്യയില്‍ നിന്നെത്തിയ തീര്‍ഥാടകരുടെ മടക്കയാത്ര തുടങ്ങി. ആദ്യഘട്ടത്തില്‍ മദീനയില്‍ വന്നിറങ്ങിയ തീര്‍ഥാടകരാണ് ജിദ്ദ കിങ് അബ്ദുല്‍ അസീസ് വിമാനത്താവള ഹജ്ജ് ടെര്‍മിനല്‍ വഴി തിരിച്ചുപോകുന്നത്.
ന്യൂഡല്‍ഹി, ലക്‌നൗ, ശ്രീനഗര്‍, ഗയ എന്നീ എംബാര്‍ക്കേഷന്‍ പോയിന്റുകളില്‍ നിന്നെത്തിയവരാണ് മടക്കയാത്ര ആരംഭിച്ചത്. മക്കയിലെ താമസകേന്ദ്രങ്ങളില്‍നിന്ന് ലഗേജുകള്‍ നേരത്തെ തന്നെ ഇന്ത്യന്‍ ഹജ്ജ് മിഷന്‍ വിമാനത്താവളങ്ങളില്‍ എത്തിക്കുന്നുണ്ടണ്ട്.
ഇവര്‍ക്കുള്ള സംസം വെള്ളം ഇതിനകം തന്നെ ചെന്നിറങ്ങുന്ന വിമാനത്താവളങ്ങളില്‍ സജ്ജമാക്കിയിട്ടുണ്ടണ്ട്.
അഞ്ചു ലിറ്റര്‍ വീതമുള്ള കാനുകളാണ് നല്‍കുക. നേരത്തെ മക്കയിലെത്തിയ ഇന്ത്യന്‍ ഹാജിമാര്‍ മദീന സന്ദര്‍ശനത്തിനു ശേഷം മദീന വിമാനത്താവളം വഴിയുള്ള യാത്ര അടുത്ത മാസം 11 മുതലാണ് ആരംഭിക്കുക.