മട്ടന്നൂര്‍: ബിനീഷും സംഘവും വിവാഹ നിശ്ചയം കഴിഞ്ഞ് മടങ്ങിയത് മരണത്തിലേക്ക്. അപകട വാര്‍ത്ത കേട്ട് വിശ്വസിക്കാന്‍ കഴിയാതെയാണു മട്ടന്നൂര്‍ ഉണര്‍ന്നത്. ചാവശ്ശേരിയിലെ സംഘം സഞ്ചരിച്ച ഇന്നലെ പുലര്‍ച്ചെ ഒന്നോടെ ആലപ്പുഴ-തിരുവനനന്തപുരം ദേശീയപാതയില്‍ മാരാരിക്കുളത്തിനു സമീപമായിരുന്നു അപകടം. മട്ടന്നൂര്‍ തെരൂരിലെ വി.കെ ബിനനീഷ് (29), ബന്ധുക്കളായ ചാവശ്ശേരി പറമ്പിലെ ഒ. പ്രസന്ന (48), കുറുങ്കളത്തെ വിജയകുമാര്‍ (30) എന്നിവരാണ് മരിച്ചത്.
ലോറി ഡ്രൈവറായ ബിനനീഷിന്റെ കുടുംബത്തില്‍പ്പെട്ട ഒരാള്‍ മുഖേനയാണു രണ്ടുമാസം മുന്‍പ് തിരുവനന്തപുരത്തെ യുവതിയുമായി ബിനീഷിന്റെ വിവാഹം ആലോചിച്ചത്. തുടര്‍ന്നു ബുധനാഴ്ച ഉച്ചയ്ക്കാണ് ബിനനീഷടങ്ങിയ 14 അംഗ സംഘം തിരുവനനന്തപുരത്തേക്കു യാത്ര തിരിച്ചത്.
മെയ് 30നു വിവാഹം നനിശ്ചയിച്ച് തിരിച്ചുവരവെയാണ് കുടുംബത്തെയും നാടിെനയും ഞെട്ടിച്ച അപകടം. ബന്ധുക്കളായ മൂന്നുപേരുടെ ദാരുണാന്ത്യം അറിഞ്ഞത് മുതല്‍ കണ്ണീരിലാണു മട്ടന്നൂരും പരിസരവും.