തൃശൂര്‍: അവധിക്കാലത്ത് വിദ്യാര്‍ഥികള്‍ക്കാവശ്യമായ കരിയര്‍ ഗൈഡന്‍സ് സെമിനാറുകള്‍, ലൈഫ് സ്‌കില്‍, ലേണിങ് സ്‌കില്‍, മെമ്മറി ടെക്‌നിക്‌സ്, ഈസി എക്‌സാം, മത്സര പരീക്ഷ കോച്ചിങ് തുടങ്ങി വിവിധ പരിശീലന പരിപാടികള്‍ മഹല്ല് ജമാഅത്തുകള്‍ സംഘടിപ്പിക്കണമെന്ന് എസ്.എം.എഫ്.
യുവതീയുവാക്കള്‍ക്കുള്ള വിവാഹപൂര്‍വ കൗണ്‍സലിങ്, രക്ഷകര്‍ത്താക്കള്‍ക്കുള്ള രക്ഷാകര്‍തൃ പരിശീലനം എന്നിവയും സമയബന്ധിതമായി മഹല്ലുകളില്‍ നടപ്പിലാക്കുവാന്‍ ഭാരവാഹികള്‍ തയാറാകണമെന്നും, സര്‍ക്കാര്‍ സര്‍ക്കാരേതര ആനുകൂല്യങ്ങള്‍ അര്‍ഹരിലേക്ക് എത്തിക്കാനും, ആരോഗ്യ ബോധവല്‍ക്കരണം തുടങ്ങി ജനക്ഷേമ പദ്ധതികള്‍ നടപ്പിലാക്കാന്‍ മഹല്ല് ഭാരവാഹികള്‍ക്ക് ബാധ്യതയുണ്ടെന്നും സുന്നി മഹല്ല് ഫെഡറേഷന്‍ തൃശൂര്‍ ജില്ലാ കമ്മിറ്റി പ്രസിഡന്റ് ചെറുവാളൂര്‍ ഹൈദ്രോസ് മുസ്‌ലിയാര്‍, ജനറല്‍ സെക്രട്ടറി ഹംസ ബിന്‍ ജമാല്‍ റംലി, വര്‍ക്കിങ് പ്രസിഡന്റ് ഷറഫുദ്ദീന്‍ മൗലവി വെന്മേനാട്, വര്‍ക്കിങ് സെക്രട്ടറി ബഷീര്‍ കല്ലേപ്പാടം, ട്രഷറര്‍ ഹംസ ഹാജി അകലാട് എന്നിവര്‍ അറിയിച്ചു.