കൊല്ലം: സമസ്ത കേരള സുന്നി സ്റ്റുഡന്റ്‌സ് ഫെഡറേഷന്‍ കൊല്ലം ജില്ലാ കമ്മിറ്റിയുടെ നേതൃത്വത്തില്‍ ആലപ്പുഴയിലെ വിവിധ ദുരിതാശ്വാസ ക്യാംപുകളിലേക്ക് മുക്കാല്‍ ലക്ഷം രൂപയുടെ വസ്ത്രങ്ങളും മറ്റ് അവശ്യ സാധനങ്ങളും വിതരണം ചെയ്തു. ക്യാംപുകളില്‍ നിന്ന് വീടുകളിലേക്ക് മടങ്ങുന്ന സാഹചര്യത്തില്‍ വീടുകള്‍ ശുദ്ധീകരിക്കുന്നതിന്നും കൂടുതല്‍ സഹായങ്ങള്‍ എത്തിക്കുന്നതിനും ജില്ലാ കമ്മിറ്റി തീരുമാനിച്ചു. ജില്ലാ പ്രസിഡന്റ് സലീം റഷാദി കുളപ്പാടം, സെക്രട്ടറി സിയാദ് വലിയവീട്ടില്‍, വര്‍ക്കിങ് സെക്രട്ടറി അലി മുസ്‌ലിയാര്‍, കരുനാഗപ്പള്ളി മേഖല പ്രസിഡന്റ് നിസാര്‍ വേലിത്തറ, ഷാജഹാന്‍ അമാനി, എ.കെ അഷ്‌റഫ് സംബന്ധിച്ചു.