മനാമ: ഫലസ്തീനിലെ സയണിസ്റ്റ് അധിനിവേശം അവസാനിപ്പിക്കാതെ അറബ് രാജ്യങ്ങളും ഇസ്‌റാഈലും തമ്മില്‍ നയതന്ത്രബന്ധമുണ്ടാക്കാനുള്ള യു.എസ് നീക്കത്തിന് ബഹ്‌റൈനില്‍ നിന്ന് തിരിച്ചടി.
സഊദി ഇസ്‌റാഈലുമായി കരാറിലൊപ്പിടാതെ തങ്ങള്‍ ഇസ്‌റാഈലുമായി നയതന്ത്രബന്ധത്തിനില്ലെന്ന് ബഹ്‌റൈന്‍ വ്യക്തമാക്കി. മനാമ സന്ദര്‍ശിച്ച യു.എസ് പ്രസിഡന്റിന്റെ ഉപദേഷ്ടാവ് ജറാദ് കുഷ്‌നറെ ബഹ്‌റൈന്‍ രാജാവ് ഹമദ് ബിന്‍ ഈസ ഇക്കാര്യം ധരിപ്പിച്ചിട്ടുണ്ട്.
അതിനിടെ ഇസ്‌റാഈലി വിമാനങ്ങള്‍ക്ക് വ്യോമപാത അനുവദിക്കുമെന്ന വാര്‍ത്ത കുവൈത്ത് നിഷേധിച്ചു. യു.എ.ഇയിലെത്തിയ ഇസ്‌റാഈല്‍ വിമാനം കുവൈത്തിനു മുകളിലൂടെ പറക്കുമെന്ന റിപ്പോര്‍ട്ടിനിടെയാണിത്. എന്നാല്‍ യു.എ.ഇയില്‍ നിന്ന് ഏതു രാജ്യത്തേക്കുള്ള വിമാനത്തിനും വ്യോമപാത അനുവദിക്കുമെന്ന് സഊദി അറിയിച്ചു.