തിരുവനന്തപുരം: ട്രിവാന്‍ഡ്രം സിറ്റിസണ്‍സ് ഫൗണ്ടേഷന്റെ (ടി.സി.എഫ് ) ദശവാര്‍ഷികാഘോഷത്തിന്റെ ഭാഗമായി ഏര്‍പ്പെടുത്തിയ ബെസ്റ്റ് ടീച്ചര്‍ അവാര്‍ഡിന് ഡോ.സെയ്ത് സല്‍മ അര്‍ഹയായി. പാലക്കാട് കരിപ്പോട് സെയ്ത് മുഹമ്മദ് റാവുത്തരുടെ മകളും കോഴിക്കോട് വെള്ളിമാട്കുന്ന് സ്വദേശി പി.എം കോയയുടെ ഭാര്യയുമാണ്. കേരള ഹെല്‍ത്ത് യൂനിവേഴ്‌സിറ്റി, കാലിക്കറ്റ് യൂനിവേഴ്‌സിറ്റി, മഹാത്മാ ഗാന്ധി യൂനിവേഴ്‌സിറ്റി, മാംഗ്ലൂര്‍ യൂനിവേഴ്‌സിറ്റി, രാജീവ് ഗാന്ധി യൂനിവേഴ്‌സിറ്റി (ബംഗളൂരു), മണിപ്പാല്‍ യൂനിവേഴ്‌സിറ്റി (കര്‍ണാടക), ഡോ. എം.ജി.ആര്‍ യൂനിവേഴ്‌സിറ്റി (ചെന്നൈ) എന്നിവിടങ്ങളില്‍ എക്‌സാമിനര്‍, കേരള പി.എസ്.സി സബ്ജക്ട് എക്‌സപെര്‍ട്ട് എന്നീ ചുമതലകള്‍ വഹിച്ചിട്ടുണ്ട്. ഇപ്പോള്‍ തൃശൂര്‍ ഗവ. നഴ്‌സിങ് കോളജില്‍ വൈസ് പ്രിന്‍സിപ്പലായി ജോലി നോക്കുന്നു.
തിരുവനന്തപുരം പ്രസ് ക്ലബ് ഓഡിറ്റോറിയത്തില്‍ മെയ് രണ്ടിന് വൈകുന്നേരം അഞ്ചിന് നടക്കുന്ന ടി.സി.എഫ് വാര്‍ഷിക സമ്മേളനത്തില്‍ മന്ത്രി എ.കെ ശശീന്ദ്രന്‍ അവാര്‍ഡ് വിതരണം ചെയ്യുമെന്ന് ടി.സി.എഫ് ജനറല്‍ സെക്രട്ടറി തിരുമല താജുദ്ദീന്‍ അറിയിച്ചു.