കുറ്റ്യാടി: വേളം പുത്തലത്ത് യൂത്ത്‌ലീഗ് പ്രവര്‍ത്തകന്‍ നസീറുദ്ദീനെ കൊലപ്പെടുത്തിയ കേസില്‍ അറസ്റ്റിലായ പ്രതികളെ അന്വേഷണ സംഘം കസ്റ്റഡിയില്‍ വാങ്ങി. കഴിഞ്ഞ ദിവസം റിമാന്‍ഡിലായ കപ്പച്ചേരി ബഷീര്‍, കൊല്ലിയില്‍ അന്ത്രു എന്നീ എസ്.ഡി.പി.ഐ പ്രവര്‍ത്തകരെയാണു കൂടുതല്‍ ചോദ്യം ചെയ്യുന്നതിനായി മൂന്നു ദിവസത്തെ കസ്റ്റഡിയില്‍ വാങ്ങിയത്.
നസീറുദ്ദീന്റെ വധത്തിനു പിന്നിലെ ഗൂഢാലോചനയെക്കുറിച്ചാണ് അന്വേഷണ സംഘം കാര്യമായി അന്വേഷിക്കുന്നത്. അതിനിടെ പ്രതികളെ രക്ഷപ്പെടാന്‍ സഹായിച്ച ഒരാളെ അന്വേഷണ സംഘം കസ്റ്റഡിയിലെടുത്തിട്ടുണ്ട്. പ്രതികള്‍ രക്ഷപ്പെടാന്‍ ഉപയോഗിച്ച കാര്‍ കഴിഞ്ഞ ദിവസം വടകര റെയില്‍വേ സ്റ്റേഷന്‍ പരിസരത്തു നിന്ന് കസ്റ്റഡിയിലെടുത്തിരുന്നു.