കോഴിക്കോട്: നഴ്‌സിങ് വിദ്യാര്‍ഥികളുടെ സംഘടനയായ സ്റ്റുഡന്റ് നഴ്‌സസ് അസോസിയേഷന്‍ ഓഫ് കേരളയുടെ ആഭിമുഖ്യത്തില്‍ നഴ്‌സിങ് വിദ്യാര്‍ഥികള്‍ക്കായി കായികമത്സരങ്ങള്‍ സംഘടിപ്പിക്കുന്നു. സംസ്ഥാനതലത്തില്‍ നടക്കുന്ന മത്സരങ്ങള്‍ ഇന്നു രാവിലെ ഒന്‍പതു മുതല്‍ മെഡിക്കല്‍ കോളജ് ഒളിംപ്യന്‍ റഹ്മാന്‍ സ്റ്റേഡിയത്തില്‍ നടക്കും.
കേരള സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ മേള ഉദ്ഘാടനം ചെയ്യും. കൂടുതല്‍ പോയിന്റ് നേടുന്ന മേഖലയ്ക്കുള്ള ഓവര്‍റോള്‍ ട്രോഫിയും വ്യക്തിഗത ചാംപ്യന്മാര്‍ക്കുള്ള സമ്മാനങ്ങളും വൈകിട്ടു നാലിനു നടക്കുന്ന സമാപന സമ്മേളനത്തില്‍ വിതരണം ചെയ്യും.
വാര്‍ത്താ സമ്മേളനത്തില്‍ അനീഷ് ഡി., സെക്രട്ടറി ടീന, സനിക, മനു പങ്കെടുത്തു.