കാസര്‍കോട്: മുന്‍ പ്രധാനമന്ത്രി അടല്‍ബിഹാരി വാജ്‌പേയിയുടെ ചിതാഭസ്മ നിമജ്ജന യാത്ര തുടങ്ങി. ഇന്നലെ രാവിലെ കാസര്‍കോട് പുതിയ ബസ്സ്റ്റാന്‍ഡ് പരിസരത്ത് നിന്ന് ആരംഭിച്ച യാത്ര വിവിധ ജില്ലകളിലെ പര്യടനത്തിനു ശേഷം 30ന് തിരുവനന്തപുരത്ത് സമാപിക്കും.
ബി.ജെ.പി സംസ്ഥാന അധ്യക്ഷന്‍ അഡ്വ. പി.എസ് ശ്രീധരന്‍ പിള്ള ഉദ്ഘാടനം ചെയ്തു. ജില്ലാ പ്രസിഡന്റ് അഡ്വ. കെ. ശ്രീകാന്ത് അധ്യക്ഷത വഹിച്ചു. ഒ. രാജഗോപാല്‍ എം.എല്‍.എ, സി.കെ പത്മനാഭന്‍, പി.കെ കൃഷ്ണദാസ്, കെ. സുരേന്ദ്രന്‍ തുടങ്ങിയവര്‍ അനുസ്മരണ പ്രഭാഷണം നടത്തി.