തിരുവനന്തപുരം: പള്ളിപ്പുറത്തിനും കുറ്റിപ്പുറത്തിനും ഇടയിലുള്ള റെയില്‍പ്പാലത്തില്‍ അറ്റകുറ്റപ്പണി നടക്കുന്നതിനാല്‍ ചില ട്രെയിനുകള്‍ റദ്ദാക്കി.
കോയമ്പത്തൂര്‍- മംഗളൂരു സെന്‍ട്രല്‍ ഫാസ്റ്റ് പാസഞ്ചര്‍ (56323) ഷൊര്‍ണൂരിനും കണ്ണൂരിനുമിടയിലും മംഗളൂരു സെന്‍ട്രല്‍- കോയമ്പത്തൂര്‍ ഫാസ്റ്റ് പാസഞ്ചര്‍ (56324) കണ്ണൂരിനും ഷൊര്‍ണൂരിനുമിടയിലും ഓടില്ല.
എറണാകുളം- കണ്ണൂര്‍ ഇന്റര്‍സിറ്റി എക്‌സ്പ്രസ് (16305) ഷൊര്‍ണൂരിനും കണ്ണൂരിനുമിടയിലും കണ്ണൂര്‍- എറണാകുളം ഇന്റര്‍സിറ്റി എക്‌സ്പ്രസ് (16306) കണ്ണൂരിനും ഷൊര്‍ണൂരിനുമിടയിലും സര്‍വിസ് നടത്തില്ല. നാഗര്‍കോവില്‍- മംഗളൂരു സെന്‍ട്രല്‍ ഏറനാട് എക്‌സ്പ്രസ് (16606) എറണാകുളത്തിനും കോഴിക്കോടിനുമിടയിലും മംഗളൂരു- നാഗര്‍കോവില്‍ ഏറനാട് എക്‌സ്പ്രസ് (16605) കോഴിക്കോടിനും എറണാകുളത്തിനുമിടയിലും സര്‍വിസ് നടത്തില്ല. കോഴിക്കോട്ട് നിന്ന് മംഗളൂരുവിലേക്കും എറണാകുളത്ത് നിന്ന് നാഗര്‍കോവിലിലേക്കും പ്രത്യേക ട്രെയിന്‍ ഉണ്ടാകുമെന്നും റെയില്‍വേ അറിയിച്ചു.