പന്നിക്കോട്ടൂര്‍: തെരഞ്ഞെടുപ്പ് ആരവം കെട്ടടങ്ങുന്നതിന് മുന്‍പ് തന്നെ കേരളത്തില്‍ മുസ്‌ലിം ലീഗ് അതിന്റെ കാരുണ്യ പ്രവര്‍ത്തനങ്ങളുമായി രംഗത്തിറങ്ങിയത് വോട്ട് രാഷ്ട്രീയമല്ല ലീഗ് ലക്ഷ്യം വെക്കുന്നതെന്നതിന്റെ വ്യക്തമായ ദൃഷ്ടാന്തമാണെന്ന് മുസ്‌ലിം യൂത്ത് ലീഗ് സംസ്ഥാന അധ്യക്ഷന്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. നരിക്കുനി പഞ്ചായത്ത് രണ്ടാം വാര്‍ഡ് മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ പന്നിക്കോട്ടൂര്‍ ശിഹാബ് തങ്ങള്‍ സെന്ററിന്റെ ആറാം വാര്‍ഷികോപഹാരമായി നിര്‍മിച്ചു നല്‍കിയ ബൈത്തുറഹ്മയുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ധേഹം. പി.സി ആലിഹാജി അധ്യക്ഷനായി. സിദ്ദീഖലി രാങ്ങാട്ടൂര്‍ മുഖ്യ പ്രഭാഷണം നടത്തി. എം.എ റസാഖ് മാസ്റ്റര്‍, വി.എം ഉമ്മര്‍ മാസ്റ്റര്‍, ഇബ്രാഹിം എളേറ്റില്‍, നജീബ് കാന്തപുരം സംസാരിച്ചു.