ദോഹ: ഖത്തറില്‍ തമീം എയര്‍ബേസ് എന്ന പേരില്‍ പുതിയ വ്യോമതാവളം സ്ഥാപിക്കുന്നു. വ്യോമസേന ഡെപ്യൂട്ടി കമാന്‍ഡര്‍ മേജര്‍ ജനറല്‍ അഹമ്മദ് ഇബ്രാഹിം അല്‍മാലിക്കിയാണ് ഇക്കാര്യം വെളിപ്പെടുത്തിയത്. പ്രതിരോധമന്ത്രാലയത്തിലെ മോറല്‍ ഗൈഡന്‍സ് ഡയറക്ടറേറ്റ് പുറത്തിറക്കുന്ന അല്‍തലാല്‍ മാഗസിനു നല്‍കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. ഖത്തര്‍ ന്യൂസ് ഏജന്‍സിയും ഇത് റിപ്പോര്‍ട്ട് ചെയ്തിട്ടുണ്ട്. അല്‍ഉദൈദ് വ്യോമതാവളത്തിന്റെ വികസനത്തിനൊപ്പം ദോഹ എയര്‍ബേസും വികസിപ്പിക്കും.
പുതിയ യുദ്ധ വിമാനങ്ങളെയും മറ്റു സാങ്കേതിക സംവിധാനങ്ങളെയും സ്വീകരിക്കാന്‍ പര്യാപ്തമായ വിധത്തിലായിരിക്കും ദോഹ എയര്‍ബേസ് വികസിപ്പിക്കുക. ഫ്രഞ്ച് റാഫേല്‍ യുദ്ധവിമാനങ്ങള്‍, അമേരിക്കന്‍ എ15 യുദ്ധവിമാനങ്ങള്‍, യൂറോ ഫൈറ്റര്‍ ടൈഫൂണ്‍, മറ്റു അത്യാധുനിക യുദ്ധവിമാനങ്ങള്‍ തുടങ്ങിവയെ ഉള്‍ക്കൊള്ളാന്‍ കഴിയുന്ന വിധത്തിലാണ് വ്യോമതാവളത്തിന്റെ ശേഷി വികസിപ്പിക്കുന്നത്.