ബംഗളൂരു: ചതുര്‍രാഷ്ട്ര ക്രിക്കറ്റ് ടൂര്‍ണമെന്റില്‍ ഇന്ത്യ ബി ടീമിന് കിരീടം. ഫൈനലില്‍ ആസ്‌ത്രേലിയ എ ടീമിനെ പരാജയപ്പെടുത്തിയാണ് ഇന്ത്യന്‍ ബി ടീമിന്റെ കിരീടനേട്ടം. ഇന്ത്യ ബി ടീം ഒമ്പത് വിക്കറ്റിന് കംഗാരുപ്പടയെ തകര്‍ക്കുകയായിരുന്നു. ഇരു ടീമുകള്‍ക്ക് പുറമേ ഇന്ത്യ എയും ദക്ഷിണാഫ്രിക്ക എ ടീമുമാണ് ടൂര്‍ണമെന്റില്‍ മല്‍സരിച്ചിരുന്നത്. ടൂര്‍ണമെന്റിലെ പോയിന്റ് പട്ടികയില്‍ ആദ്യ രണ്ടണ്ട് സ്ഥാനക്കാരാണ് ഫൈനലില്‍ ഏറ്റുമുട്ടിയത്.
ടോസ് നേടിയ ഇന്ത്യ ബി ടീം ആസ്‌ത്രേലിയ എയെ ബാറ്റിങിനയക്കുകയായിരുന്നു. ഓരോ ഇടവേളകളിലും ഇന്ത്യന്‍ ബൗളര്‍മാര്‍ വിക്കറ്റുകള്‍ വീഴ്ത്തിയപ്പോള്‍ ആസ്‌ത്രേലിയ 47.5 ഓവറില്‍ 225 റണ്‍സിന് ഓള്‍ഔട്ടാവുകയായിരുന്നു. 77 പന്തില്‍ ഒന്‍പത് ബൗണ്ടണ്ടറിയുള്‍പ്പെടെ 72 റണ്‍സെടുത്ത ഡാരി ഷോട്ടാണ് ആസ്‌ത്രേലിയ എ ടീമിന്റെ ടോപ്‌സ്‌കോറര്‍. അലെക്‌സ് കാരി 53 റണ്‍സുമായി ഓസീസ് നിരയില്‍ ഭേദപ്പെട്ട പ്രകടനം നടത്തി. ഓസീസ് ബാറ്റിങ് നിരയെ മികച്ച സ്‌കോര്‍ നേടുന്നതില്‍ നിന്ന് തഴയുന്നതില്‍ ഇന്ത്യന്‍ ബൗളര്‍മാര്‍ വിജയം കണ്ടെണ്ടത്തുകയായിരുന്നു. മൂന്ന് വിക്കറ്റ് വീഴ്ത്തിയ ശ്രെയാഷ് ഗോപാലാണ് വിക്കറ്റ് വേട്ടയില്‍ മുന്നിട്ടുനിന്നത്. സിദ്ദാര്‍ഥ് കൗള്‍, നവ്ദീപ് സയ്‌നി, ദീപക് ഹൂഡ എന്നിവര്‍ രണ്ടണ്ട് വിക്കറ്റ് വീതവും ജലജ് സക്‌സേന ഒരു വിക്കറ്റും വീഴ്ത്തി.മറുപടിയില്‍ ഇന്ത്യന്‍ ബാറ്റിങ് നിര തകര്‍ത്തടിച്ചപ്പോള്‍ 36.3 ഓവറില്‍ ഒരു വിക്കറ്റ് മാത്രം നഷ്ടപ്പെടുത്തി ഇന്ത്യ അനായാസ വിജയം നേടുകയായിരുന്നു.