തൃക്കരിപ്പൂര്‍: തങ്കയം സ്വദേശികള്‍ ദുബൈ സ്‌കൗട് മിഷന്‍ സ്‌കൂളില്‍ സംഘടിപ്പിച്ച അഹ്ലന്‍ തങ്കയം സമാപിച്ചു.
സംഗമത്തിന്റെ ഭാഗമായി തൃക്കരിപ്പൂരില്‍നിന്നും മലേഷ്യ, ഒമാന്‍, സഊദി അറേബ്യ തുടങ്ങി വിവിധ രാജ്യങ്ങളില്‍ നിന്നും യു.എ.ഇ യുടെ വിവിധ ഭാഗങ്ങളില്‍ നിന്നും നിരവധി തങ്കയക്കാര്‍ എത്തിയിരുന്നു. മൂന്നു പതിറ്റാണ്ട് പ്രവാസ ജീവിതം പൂര്‍ത്തിയാക്കിവരെ ആദരിച്ചു.
കുട്ടികള്‍ക്കും മുതിര്‍ന്നവര്‍ക്കും കുടുംബങ്ങള്‍ക്കുമുള്ള വിവിധയിനം കലാ-കായിക മത്സരങ്ങള്‍ പരിപാടികള്‍, പാചക മത്സരം, വടംവലി മത്സരം എന്നിവ സംഘടിപ്പിച്ചു.
മുഖ്യരക്ഷാധികാരി കോളേത്ത് മുഹമ്മദ് കുഞ്ഞി, വി.പി റഷീദ്, എം.ടി.പി താജുദ്ദീന്‍, ശുകൂര്‍ കോളേത്ത്, പി.സി.കി ഹസ്സന്‍, കെ. ഹാരിസ്, ഷര്‍ഹാദ് ദാവൂദ്, എന്‍. ഷഹനാസ് അലി, ഷാഹിദ് ദാവൂദ്, എം. സജീര്‍, കെ. അഹമ്മദ്, വി.പി നൗഷാദ്, എ.ജി.സി മുഹമ്മദ് കുഞ്ഞി നേത്യത്വം നല്‍കി.