ചെന്നൈ: തമിഴ്‌നാട്ടിലെ കടലൂരില്‍ പടക്കനിര്‍മാണശാലയിലുണ്ടായ പൊട്ടിത്തെറിയില്‍ ഒന്‍പതു പേര്‍ മരിച്ചു. ചിലര്‍ക്കു പരുക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.

ചെന്നൈയില്‍നിന്നു ഇരുനൂറിലേറെ കിലോമീറ്റര്‍ മാറി കടലൂര്‍ ജില്ലയിലെ കാട്ടുമന്നാര്‍കോയിലിലെ പടക്കനിര്‍മാണശാലയിലാണ് ഇന്നലെ പൊട്ടിത്തെറിയുണ്ടായത്. ഇവിടെ ഉത്സവ സീസണുകളിലേക്കുള്ള പടക്കങ്ങള്‍ സ്റ്റോക്ക് ചെയ്തിരുന്നതായാണ് വിവരം. തീപിടിത്തത്തിന്റെ കാരണം വ്യക്തമല്ല.

തൊഴിലാളികള്‍ ഫാക്ടറിക്കുള്ളില്‍ ജോലി ചെയ്തുകൊണ്ടിരിക്കവേയാണ് പൊട്ടിത്തെറിയുണ്ടായത്. മരിച്ചവരില്‍ ഏറെയും സ്ത്രീകളാണ്. ഇന്നലെ രാവിലെ നടന്ന സംഭവത്തില്‍ തമിഴ്‌നാട് സര്‍ക്കാര്‍ അന്വേഷണം പ്രഖ്യാപിച്ചിട്ടുണ്ട്.