ജിദ്ദ: കഴിഞ്ഞ ദിവസം സഊദിയിലെ റാബിക് ഗവ: ഹോസ്പിറ്റലിൽ വെച്ച് മരണപ്പെട്ട കോഴിക്കോട് ഫറോക്ക് സ്വദേശി നജ്മുദ്ധീൻ്റെ മയ്യത്ത് ഖബറടക്കി. റാബികിലെ സുലൈഫ് ഖബർസ്ഥാനിൽ സുഹൃത്തുക്കളുടെയും നാട്ടുകാരുടെയും സാന്നിധ്യത്തിലാണ് ഖബറടക്കിയത്. ശ്വാസതടസ്സത്തെ തുടർന്ന് കുറച്ച് ദിവസമായി വെൻ്റിലേറ്ററിലായിരുന്നു. മക്കയിലെ ജമൂമിൽ നാലു വർഷത്തോളമായി ഹൗസ്ഡ്രവർ ജോലി ചെയ്തു വരികയായിരുന്നു. കഴിഞ്ഞ മാസം സുഖമില്ലാത്തത് കൊണ്ട് റാബികിലുള്ള സഹോദരൻ അബ്ദുനാസറിൻ്റെ അടുത്തേക്ക് വന്നതായിരുന്നു.

    ഖബറടക്കത്തിനും നിയമ നടപടികൾ പൂർത്തീകരിക്കുന്നതിനും റാബിക് കെഎംസിസി സെൻട്രൽ കമ്മിറ്റി നേതാക്കളായ അബ്ദുൽ ഖാദർ പാങ്ങ്, റഫീഖ് ചുങ്കത്തറ, അനസ് മണ്ണാർക്കാട്, ജിദ്ദ കെ.എം.സി.സി വെൽഫെയർ വിംഗ് ചെയർമാൻ മുഹമ്മദ് കുട്ടി, മുസ്‌തഫ വലിയപറമ്പ്, തൗഹാദ് മേൽമുറി, അബ്ദുസ്സലീം പുല്ലാളൂർ തുടങ്ങിയവരും മയ്യത്ത് നിസ്കാരത്തിന് സമസ്ത ഇസ്‌ലാമിക് സെൻ്റർ റാബിക് സെൻട്രൽ കമ്മിറ്റി പ്രസിഡണ്ട് ഹംസ ഫൈസി കാളികാവും നേതൃത്വം നൽകി