കോട്ടയം: വഴി തെറ്റുന്ന യുവതലമുറയെ കൈപിടിച്ച് നടത്തുവാന്‍ വിദ്യാര്‍ഥി സമൂഹത്തിന് മാത്രമേ കഴിയൂവെന്ന് ചങ്ങനാശേരി പഴയപള്ളി ഇമാം സിറാജുദ്ദീന്‍ അല്‍ഖാസിമി അഭിപ്രായപ്പെട്ടു. വിദ്യാര്‍ഥി സമൂഹത്തിന്റെ മനോഭാവവും ആത്മവിശ്വാസവും സ്വപ്നങ്ങളും ഇസ്്‌ലാമിക ലക്ഷ്യം കൈവരിക്കാനുള്ളതാകുമ്പോള്‍ മാത്രമേ അവരുടെ പ്രവര്‍ത്തനങ്ങള്‍ക്ക് സമൂഹത്തില്‍ മാറ്റങ്ങളുണ്ടാക്കാന്‍ കഴിയൂ. ഈ അവധിക്കാലം റമദാനിലൂടെ ആത്മശുദ്ധീകരണത്തിന്റെ പൂക്കാലമാക്കി മാറ്റിയെടുക്കുവാന്‍ നാം പ്രതിജ്ഞാബദ്ധരാകണമെന്നും അദ്ദേഹം പറഞ്ഞു.
ജില്ലാ എസ്.കെ.എസ്.എസ്.എഫ് സംഘടിപ്പിച്ച റമദാനിലൂടെ റയ്യാനിലേക്ക് എന്ന പ്രമേയത്തില്‍ നടന്ന തര്‍ബ്ബിയാ സ്മാര്‍ട്ട് ക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. കോട്ടയം ജില്ലാ ജംഇയ്യത്തുല്‍ ഉലമ വര്‍ക്കിങ് സെക്രട്ടറി മുഹമ്മദലി കാശിഫി, കോട്ടയം റെയിഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ് അസ്്‌ലം ബാഖവി, ജംഇയ്യത്തുല്‍ ഉലമ ജില്ലാ ശൂറാ അംഗം ഇബ്രാഹിം മുസ്‌ലിയാര്‍ സംസാരിച്ചു.