ആലപ്പുഴ: തുറവൂരില്‍ വീടാക്രമിച്ച് യുവതിയെ തട്ടിക്കൊണ്ടുപോയ കേസില്‍ 12 പേരെ ആലപ്പുഴ ക്രൈംബ്രാഞ്ച് ഡിവൈ.എസ്.പി എന്‍.ആര്‍ ജയരാജും സംഘവുമുള്‍പ്പെട്ട അന്വേഷണസംഘം തമിഴ്‌നാട് നാഗൂരിലെത്തി പിടികൂടി. തട്ടിക്കൊണ്ടു പോകലനിരയായ യുവതിയുടെ അടുത്ത ബന്ധുക്കളായ നജുമ അബ്ദുല്‍സലാം, സിറാജുദീന്‍, നരിപ്പറ്റയിലെ അബ്ദുറഹ്മാന്‍, കുറ്റ്യാടിയിലെ റാഹിദ്, തലശേരിയിലെ ബി.കെ അഷറഫ്, വടകര നരിപ്പറ്റയിലെ അബ്ദുല്‍സലാം, മുഹമ്മദ് സിറാജ്, ക്വട്ടേഷന്‍ ഏറ്റെടുത്തെത്തിയ ഇരിട്ടി ശിഹാബ് മന്‍സിലിലെ ചള്ളിന്റകത്ത് റഫീഖ്, ഇരിട്ടി കല്ലുമുട്ടി ശിഹാബ് മന്‍സിലിലെ സുബൈര്‍(47). ഇരിട്ടി പയഞ്ചേരിയിലെ ചക്കര സി.കെ അന്‍ഷാദ്, പയഞ്ചേരിമുക്ക് ഫാത്തിമ മന്‍സിലിലെ കബീര്‍(41) എന്നിവരെയാണ് പൊലിസ് സംഘം പിടികൂടിയത്.
വിവാഹമോചിതയും ഒരു കുഞ്ഞിന്റെ അമ്മയുമായ വടകര നരിപ്പറ്റയിലെ യുവതി പ്രണയത്തെ തുടര്‍ന്നാണ് തുറവൂരില്‍ അനില്‍കുമാറിനെ തേടി വരന്റെ വീട്ടിലെത്തിയത്.