മറയൂര്‍: കാട്ടാനകളുടെ രൂക്ഷമായ ശല്യം മൂലം വിളവാകാത്ത കരിമ്പ് കര്‍ഷകന് വെട്ടിയെടുക്കേണ്ടി വന്നു. ലക്ഷങ്ങളുടെ നഷ്ടം ഇതുമൂലമുണ്ടായി.മറയൂര്‍ പഞ്ചായത്തില്‍ കരിമൂട്ടി കോരക്കടവില്‍ ഗണേശന്‍ പാട്ടത്തിനെടുത്ത കരിമ്പ് കൃഷിസ്ഥലത്താണ് കാട്ടാനക്കൂട്ടം വ്യാപകമായി നാശമുണ്ടാക്കിയത്.
മൂന്നേക്കര്‍ കരിമ്പില്‍ ഒന്നര ഏക്കര്‍ സ്ഥലത്തെ കരിമ്പ് കഴിഞ്ഞ ഒരാഴ്ചയായി കാട്ടാനക്കൂട്ടം നശിപ്പിച്ചു. ബാക്കിയുള്ള കരിമ്പാണ് വെട്ടി ശര്‍ക്കരയാക്കിയത്. 60 കിലോ തൂക്കമുള്ള 180 ചാക്ക് ശര്‍ക്കര കിട്ടേണ്ട സ്ഥലത്ത് 50 ചാക്ക് പോലും ലഭിച്ചില്ല.
ഈ സ്ഥലത്താണ് ഒരാഴ്ചക്ക് മുന്‍പ് ഒറ്റയാന്‍ ഷോക്കേറ്റ് ചരിഞ്ഞത്.