തിരുവനന്തപുരം: ഹയര്‍സെക്കന്‍ഡറി ഒന്നാംവര്‍ഷ പ്രവേശനത്തിനുള്ള ട്രയല്‍ അലോട്ട്‌മെന്റ് പ്രസിദ്ധീകരിച്ചു. 2,79,966 മെറിറ്റ് സീറ്റുകളിലേക്കാണ് ട്രയല്‍ അലോട്ടുമെന്റ് നടത്തിയിട്ടുള്ളത്. ആദ്യ അലോട്ടുമെന്റ് 14ന് പ്രസിദ്ധീകരിക്കും. www.hscapkerala.gov.in എന്ന വെബ്‌സൈറ്റിലെ Candidate Login -SWS എന്ന ലിങ്കില്‍ ലോഗിന്‍ ചെയ്ത് കാന്‍ഡിഡേറ്റ് ലോഗിനിലെ Trial Results എന്ന ലിങ്കിലൂടെ അലോട്ട്‌മെന്റ് പരിശോധിക്കാം. ക്യാന്‍ഡിഡേറ്റ് ലോഗിന്‍ ഇതുവരെ സൃഷ്ടിക്കാത്തവര്‍ക്ക് Create Candidate Login -SWS എന്ന ലിങ്ക് ഉപയോഗിച്ച് ട്രയല്‍ റിസള്‍ട്ട് പരിശോധിക്കാം.

ചൊവ്വാഴ്ച വൈകിട്ട് അഞ്ചുവരെ അപേക്ഷകര്‍ക്ക് ട്രയല്‍ അലോട്ട്‌മെന്റ് ലിസ്റ്റ് പരിശോധിക്കാം. തിരുത്തലുകള്‍ ഉണ്ടെങ്കില്‍ ക്യാന്‍ഡിഡേറ്റ് ലോഗിനിലെ Edit Application ലിങ്കിലൂടെ തിരുത്തി എട്ടിന് വൈകിട്ട് അഞ്ചിനകം കണ്‍ഫര്‍മേഷന്‍ നല്‍കണം.