തൃശൂര്‍: തൃശൂര്‍ ജൂനിയര്‍ റെഡ് ക്രോസ്, നാറ്റ്പാക് എന്നിവയുടെ സംയുക്താഭിമുഖ്യത്തില്‍ റോഡ് സുരക്ഷയും പ്രഥമ ശൂശ്രൂഷയും എന്ന വിഷയത്തില്‍ നടത്തിയ ദ്വിദിന സെമിനാര്‍ തൃശൂര്‍ ടൗണ്‍ഹാളില്‍ തുടങ്ങി. എ.ഡി.എം സി.കെ അനന്തകൃഷ്ണന്‍ ഉദ്ഘാടനം ചെയ്തു. റെഡ്‌ക്രോസ് സൊസൈറ്റി തൃശൂര്‍ സെക്രട്ടറി സി.ജെ മാത്യു അധ്യക്ഷനായിരുന്നു. ജില്ലാ വിദ്യാഭ്യാസ ഓഫീസര്‍ ഇ.നാരായണി പതാക ഉയര്‍ത്തി. തുടര്‍ന്ന് ടി.വി. സതീഷ്, ബി. സുബിന്‍, ഡോ. വിമല്‍ കൃഷ്ണ എന്നിവര്‍ വിവിധ വിഷയങ്ങളില്‍ ക്ലാസ്സെടുത്തു.  സെമിനാര്‍ ഇന്ന് സമാപിക്കും.  വൈകിട്ട് 4 ന് നടക്കുന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ ഉദ്ഘാടനം ചെയ്യും.  റൂറല്‍ ജില്ലാ പൊലിസ് മേധാവി  ആര്‍.നിശാന്തിനി മുഖ്യാതിഥിയാകും.