മനാമ :  ബഹ്റൈനിലെ അറാദ് അയ്യപ്പസേവാ സമിതി, സ്റ്റാർ വിഷൻറെ ബാനറിൽ സംഘടിപ്പിക്കന്ന മുത്തപ്പൻ വെള്ളാട്ട് മഹോത്സവം മെയ് മൂന്നിന്  വെള്ളിയാഴ്ച നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.

കാലത്ത് എട്ടുമണിക്ക് കേളികൊട്ട് ഓടുകൂടി കൊടിയേറ്റവും തുടർന്ന് മലയിറക്കൽ പാണ്ടിമേളവും നടക്കും. അറാദ്  അയ്യപ്പ സേവ സമിതിയുടെ പ്രത്യേക ഭജനയും 10.30 മുതൽ മുത്തപ്പൻ വെള്ളാട്ടവും 12 മണിമുതൽ 2 മണിവരെ മഹാപ്രസാദവും നടക്കും. 2.30 മുതൽ ഘോഷയാത്ര ആരംഭിക്കും. ജാതിമതഭേദമന്യേ പരിപാടിയിലേക്ക് പ്രവേശനം സൗജന്യമാണെന്ന് സ്റ്റാർ വിഷൻ ചെയർമാൻ സേതുരാജ് കടയ്ക്കൽ, ആഘോഷ കമ്മിറ്റിക്ക് വേണ്ടി നാരായണൻകുട്ടി, രാജൻ, ശശികുമാർ, സുഭാഷ് കുമാർ, പ്രജിത്ത് കുമാർ, അജികുമാർ എന്നിവർ അറിയിച്ചു.