പെരുമ്പാവൂര്‍: ബാലസംഘം ഏരിയാ കമ്മിറ്റി പ്രളയജലത്തില്‍ ഒഴുകിപ്പോയ പഠനോപകരണങ്ങള്‍ക്ക് പകരമായി പുതിയ നോട്ടുബുക്കുകളും പേനകളും ശേഖരിച്ച് നല്‍കി വിദ്യാര്‍ഥികള്‍ക്ക് കൈത്താങ്ങാവുന്നു.
ബാലസംഘം ഏരിയാ കമ്മിറ്റിയുടെ ആഭിമുഖ്യത്തില്‍ 50000 രൂപയുടെ നോട്ടുബുക്കുകളും പേനകളുമാണ് പ്രളയബാധിത മേഖലകളിലെ കുട്ടികള്‍ക്ക് നല്‍കുവാനായി ശേഖരിച്ചിട്ടുള്ളത്.ഇതോടൊപ്പം എസ്.എഫ്.ഐ ഏരിയാ കമ്മിറ്റി സംഘടിപ്പിച്ച പഠനോപകരണങ്ങളും വിതരണ കേന്ദ്രത്തില്‍ എത്തിച്ചു നല്‍കിയിട്ടുണ്ട്.
ബി.ടി.ആര്‍ ഭവനില്‍ നടന്ന ചടങ്ങില്‍ ബാലസംഘം ഏരിയാ പ്രസിഡന്റ് ഹാഫിസ് നൗഷാദ് പഠനോപകരണങ്ങള്‍ സി.പി.എം ജില്ലാ സെക്രട്ടറിയേറ്റംഗം അഡ്വ.എന്‍. സി മോഹന് കൈമാറി.ഏരിയാ സെക്രട്ടറി പി. എം സലിം ,ഏരിയാ രക്ഷാധികാരി കെ.ഇ നൗഷാദ്, കണ്‍വീനര്‍ കെ.എ എ സലാം എന്നിവര്‍ സന്നിഹിതരായിരുന്നു.