കുമ്പള: വിദ്യാഭ്യാസമാണ് വിജയത്തിന്റെ അടിത്തറയെന്നും അതുകൈവരിക്കാന്‍ സമൂഹം മുന്നോട്ടുവരണമെന്നും കോര്‍ഡിനേഷന്‍ ഓഫ് ഇസ്‌ലാമിക് കോളജ്‌സ് കോര്‍ഡിനേറ്റര്‍ ഹക്കീം ഫൈസി ആദൃശ്ശേരി. കുമ്പള ഇമാം ശാഫി അക്കാദമിയിലെ വാഫി, വഫിയ്യ സ്ഥാപനങ്ങള്‍ക്കായി സംഘടിപ്പിച്ച ഓറിയന്റേഷന്‍ മീറ്റില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
കോളജ് സെക്രട്ടറി കെ.എല്‍ അബ്ദുല്‍ ഖാദര്‍ അല്‍ ഖാസിമി അധ്യക്ഷനായി. സമസ്ത മുശാവറ അംഗവും കോളജ് ചെയര്‍മാനുമായ എം.എ ഖാസിം മുസ്‌ലിയാര്‍ ഉദ്ഘാടനം ചെയ്തു. സിദ്ധീഖ് നദ്‌വി ചേരൂര്‍, ഡോ. താജുദ്ദീന്‍ വാഫി, ഹംസ വഹബി, അന്‍വര്‍ അലി ഹുദവി, ശംസുദ്ദീന്‍ വാഫി, അബ്ദുല്‍ റഹ്മാന്‍ ഹൈത്തമി, മൂസ നിസാമി, ശഫീഖ് വാഫി, സംസാരിച്ചു. മൂസഹാജി കൊടിയമ്മ, വി.പി അബ്ദുല്‍ ഖാദര്‍ അസ്അദി, അബ്ദുല്ല ദിഡുപ്പ, ഫസല്‍ മൊഗര്‍, ഒമാന്‍ മുഹമ്മദ് ഹാജി, അന്തിഞ്ഞി ഹാജി, സുബൈര്‍ നിസാമി, സാലൂദ് നിസാമി സംസാരിച്ചു.