റിയാദ്: റാബിഗ് കെഎംസിസി സെൻട്രൽ കമ്മറ്റിക്കു കീഴിൽ സ്വരൂപിച്ച റിലീഫ് ഫണ്ട് വിവിധ സ്ഥലങ്ങളിൽ പ്രവർത്തിക്കുന്ന സി.എച്ച് സെന്ററുകൾക്ക് കൈമാറി. കേരളത്തിലെ പതിനൊന്നോളം സിഎച്ച് സെൻ്ററുകൾക്ക് 75000 രൂപ വീതം 825000 രൂപ ഇതിനകം തന്നെ കൈമാറി. തിരുവനന്തപുരം, തിരൂർ, കോഴിക്കോട്, മലപ്പുറം, മഞ്ചേരി, കൊണ്ടോട്ടി, നിലമ്പൂർ, പെരിന്തൽമണ്ണ, മണ്ണാർക്കാട്, മങ്കട, തളിപ്പറമ്പ്. എന്നീ സി.എച്ച് സെന്ററുകൾക്ക് ഫണ്ട് എത്തിച്ച് നൽകുന്നതിന് വേണ്ടി അതത് സെന്ററുകളുമായി ബന്ധപ്പെട്ട കമ്മറ്റി ഭാരവാഹികളെ ഉത്തരവാദിത്തം ഏൽപ്പിച്ചു.

  കൊവിഡ് മഹാമാറിക്കിടയിലും മഹത്തായ സൽ കർമ്മത്തിന് സഹകരിച്ച എല്ലാ പ്രവർത്തകർക്കും നേതാക്കൾക്കും യോഗം നന്ദി രേഖപ്പെടുത്തി. യോഗത്തിൽ റാബിക് KMCC സെൻട്രൽ കമ്മിറ്റി പ്രസിഡണ്ട് അനസ് മണ്ണാർക്കാട് അദ്ധ്യക്ഷം വഹിച്ചു. സെക്രട്ടറി സക്കീർ നടുത്തൊടി ഉദ്ഘാടനം ചെയ്തു. മുസ്ഥഫ വലിയപറമ്പ്, താഹാദ് മേൽമുറി, തുടങ്ങിയവർ സംസാരിച്ചു. ഹംസ ഫൈസി കാളികാവ് പ്രാർത്ഥനക്ക് നേതൃത്വം നൽകി. ജനറൽ സെക്രട്ടറി അബ്ദുൽ ഗഫൂർ ചേലേമ്പ്ര സ്വാഗതവും സെക്രട്ടറി മൊയ്തുപ്പ മേൽമുറി നന്ദിയും പറഞ്ഞു.