നീലേശ്വരം: വാഴുന്നോ റൊടി ഉപ്പിലക്കൈ ഗവ. ഹയര്‍ സെക്കന്‍ഡറി സ്‌കൂളിലെ സയന്‍സ് ലാബിന് തീപിടിച്ചു. ഇന്നലെ ഉച്ചഭക്ഷണത്തിന് സ്‌കൂള്‍ വിട്ട സമയത്ത് ലാബിന്റെ പരിസരത്തുണ്ടായിരുന്ന വിദ്യാര്‍ഥികളാണ് ലാബ് റൂമില്‍നിന്നു പുക ഉയരുന്നത് കണ്ടത്.
ഇതേ തുടര്‍ന്ന് വിദ്യാര്‍ഥികള്‍ അധ്യാപകരെ വിവരമറിയിക്കുകയായിരുന്നു.
അധ്യാപകര്‍ കാഞ്ഞങ്ങാട് ഫയര്‍ സ്റ്റേഷന്‍ ഓഫിസര്‍ സി.പി രാജേഷ്, അസി. സ്റ്റേഷന്‍ ഓഫിസര്‍ ഗോപാലകൃഷ്ണന്‍ മാവില, ലീഡിങ് ഫയര്‍മാന്‍ സണ്ണി ഇമ്മാനുവല്‍, ഫയര്‍മാന്മാരായ ലതീഷ് കയ്യൂര്‍, അശോകന്‍, സന്തോഷ്, ഉണ്ണി, ഹനീഫ്, സുധാകരന്‍, ഹോം ഗാര്‍ഡ് സന്തോഷ് എന്നിവരുടെ നേതൃത്വത്തില്‍ അഗ്നിശമനസേനയെത്തിയാണ് തീയണച്ചത്. അമ്പതിനായിരം രൂപയുടെ നഷ്ടം കണക്കാക്കുന്നു