ലണ്ടന്‍: മാരത്തണില്‍ ചരിത്രമെഴുതി കെനിയയുടെ ദീര്‍ഘദൂര ഓട്ടക്കാരന്‍ എല്യൂഡ് കിപ്‌ചോകെ. കഴിഞ്ഞ ദിവസം നടന്ന ലണ്ടന്‍ മാരത്തണിലാണ് താരം വേഗം കൊണ്ട് ചരിത്രം രചിച്ചത്. ഏറ്റവും വേഗത്തില്‍ മാരത്തണ്‍ പൂര്‍ത്തിയാക്കുന്ന രണ്ടാമത്തെ താരമെന്ന റെക്കോര്‍ഡാണ് കിപ്‌ചോകെ സ്വന്തമാക്കിയത്. 2:2:31 സമയം കൊണ്ടായിരുന്നു കിപ്‌ചോകെ മാരത്തണ്‍ പൂര്‍ത്തിയാക്കിയത്. കഴിഞ്ഞ വര്‍ഷം ബെര്‍ലിനിലിനില്‍ കുറിച്ച 2:01:39 എന്ന സമയമാണ് ഒന്നാം സ്ഥാനത്ത് നില്‍ക്കുന്നത്. ഇതിനെ മറികടക്കാന്‍ കിപ്‌ചോകെക്ക് കഴിഞ്ഞില്ല. നാലാം തവണയാണ് കിപ്‌ചോകെ ലണ്ടന്‍ മാരത്തണില്‍ സ്വര്‍ണമണിയുന്നത്. 2015, 2016, 2018 വര്‍ഷങ്ങളിലായിരുന്നു ഇതിന് മുമ്പ് 34 കാരനായ കിപ്‌ചോകെ ലണ്ടന്‍ മാരത്തണില്‍ സ്വര്‍ണം സ്വന്തമാക്കിയത്. എത്യോപ്യന്‍ താരങ്ങളായ മോസിനെറ്റ്, മുളെ വാസിഹുന്‍ എന്നിവര്‍ യഥാക്രമം രണ്ടും മൂന്നും സ്ഥാനം കരസ്ഥമാക്കി.