ജിദ്ദ: സ്വപ്നങ്ങളും മോഹങ്ങളും ബാക്കിയാക്കി ശിവദാസന്‍ മരണത്തിന് കീഴടങ്ങി. മൂന്നാഴ്ച്ച മുമ്പ് താമസസ്ഥലത്ത് കുഴഞ്ഞുവീണ് ഖത്തീഫിലെ സ്വകാര്യ ആശുത്രിയില്‍ ഐ.സി.യുവില്‍ അബോധാവസ്ഥയില്‍ ആയിരുന്ന മലപ്പുറം അരീക്കോട് ഊര്‍ങ്ങാട്ടിരി സ്വദേശി വാസുദേവന്‍ ആണ് കഴിഞ്ഞ ദിവസം മരണപ്പെട്ടത്.
ദീര്‍ഘകാലമായി ഖത്തീഫില്‍ പ്ലംബറായി ജോലി ചെയ്തുവരുന്ന വാസുദേവന്‍, ഒരു വര്‍ഷം മുമ്പ് സ്‌പോണ്‍സര്‍ഷിപ്പ് മാറിയിട്ടുണ്ടെങ്കിലും ഇദ്ദേഹത്തിന്റെ പുതിയ സ്‌പോണ്‍സറെക്കുറിച്ച് കൂടെയുള്ളവര്‍ക്കൊ ബന്ധുക്കള്‍ക്കോ യാതൊരു അറിവുമില്ല. റൂമില്‍ കുഴഞ്ഞ് വീണ ഉടനെ സുഹൃത്തുക്കള്‍ തൊട്ടടുത്തുള്ള സ്വകാര്യ ആശുപത്രിയില്‍ എത്തിക്കുകയായിരുന്നു.

ഇന്‍ഷൂറന്‍സില്ലാത്തതിനാല്‍ ഭീമമായ സംഖ്യയാണ് ഓരോ ദിവസവും ആശുപത്രിയില്‍ ചിലവായത്. സാമ്പത്തികമായി ബുദ്ധിമുട്ടുകള്‍ അനുഭവിക്കുന്ന കുടുംബമാണ് വാസുദേവന്റേത്. ഗിരിജയാണ് ഭാര്യ.അശ്വിന്‍, അശ്വനി എന്നിവര്‍ മക്കളാണ്. നാട്ടില്‍ നിന്ന് മൂന്നര വര്‍ഷം മുമ്പാണ് സഊദിയില്‍ എത്തിയത്. അനുജന്‍ സുരേന്ദ്രന്‍ റിയാദിലാണ് ജോലി ചെയ്യുന്നത്.നിയമ നടപടികള്‍ പൂര്‍ത്തിയാക്കി മൃതദേഹം നാട്ടിലേക്ക് കൊണ്ടു പോവുന്നതിനുള്ള നടപടികള്‍ നടന്നുവരികയാണ്.