തൊടുപുഴ:   കേന്ദ്ര പാരമ്പര്യേതര ഊര്‍ജ്ജ മന്ത്രാലയത്തിന് കീഴില്‍ പ്രവര്‍ത്തിക്കുന്ന നാഷണല്‍ ഇന്‍സ്റ്റിറ്റ്യൂട്ട് ഓഫ്  സോളാര്‍ എനര്‍ജി നടപ്പാക്കുന്ന ടെക്‌നീഷ്യന്‍മാര്‍ക്കായുള്ള സൂര്യമിത്ര സ്‌കില്‍ ഡെവലപ്‌മെന്റ്  ട്രെയിനിംഗ് പരിപാടിയുടെ ഭാഗമായി സംസ്ഥാന സര്‍ക്കാരിന്റെ കീഴിലുള്ള സ്വയംഭരണ സ്ഥാപനമായ  സി ഡിറ്റ് സൂര്യമിത്ര കോഴ്‌സിന്റെ രണ്ടാം ബാച്ചിലേക്കുള്ള പ്രവേശനത്തിന് അപേക്ഷകള്‍ ക്ഷണിച്ചു.  
മൂന്നുമാസം ദൈര്‍ഘ്യമുള്ള ഈ കോഴ്‌സിന് ഐ.ടി.ഐ ഐ.ടി.സി ട്രേഡ് സര്‍ട്ടിഫിക്കറ്റ്  അഥവാ ഡിപ്ലോമ ( ഇലക്ട്രിക്കല്‍ മെക്കാനിക്കല്‍ ഇലക്‌ട്രോണിക്‌സ്) വിദ്യാഭ്യാസ  യോഗ്യതയുള്ളവര്‍ക്കും അല്ലെങ്കില്‍ സര്‍ട്ടിഫൈഡ് ഇലക്ട്രീഷ്യനായി പ്രവര്‍ത്തി പരിചയമുള്ളവര്‍ക്കും  അപേക്ഷിക്കാം. മറ്റു ഉയര്‍ന്ന വിദ്യാഭ്യാസ യോഗ്യതയുള്ളവരെ പരിഗണിക്കുന്നതല്ല. അപേക്ഷകര്‍ക്ക് 18  വയസ്സ് പൂര്‍ത്തിയായിരിക്കണം.
രണ്ടാം ബാച്ച് കോഴ്‌സ് സി ഡിറ്റിന്റെ തിരുവനന്തപുരത്തെ  തിരുവല്ലം കേന്ദ്രത്തില്‍ ഓഗസ്റ്റില്‍ ആരംഭിക്കും.
തിരഞ്ഞെടുക്കപ്പെടുന്നവര്‍ക്ക് പരിശീലന ഫീസ്,  താമസം, ഭക്ഷണം എന്നിവ സൗജന്യമായിരിക്കും. താല്‍പര്യമുള്ളവര്‍    വെബ്‌സൈറ്റില്‍ രജിസ്റ്റര്‍ ചെയ്യേണ്ടതാണ്.
ഓണ്‍ലൈന്‍ ആയി രജിസ്റ്റര്‍ ചെയ്യേണ്ട അവസാന തീയതി ഈ  മാസം 25. ഫോണ്‍: 9895788233, 9895788334, 9895788226.