തൊടുപുഴ: ഓട്ടോറിക്ഷ ഇടിച്ചു സിനിമാ നിര്‍മാതാവിനു ഗുരുതര പരുക്ക്.പയ്യന്‍സ്,കെകെ റോഡ് തുടങ്ങിയ സിനിമകളുടെ നിര്‍മാതാവും എറണാകുളം സ്വദേശിയുമായ ജയേഷ് തമ്പാന്‍ (40)ആണു പരുക്കേറ്റു തീവ്രപരിചരണവിഭാഗത്തില്‍ കഴിയുന്നത്.ചൊവ്വാഴ്ച രാത്രി എട്ടുമണിയോടെ കോലാനിക്കു സമീപമാണു സംഭവം.സീരിയല്‍ ചിത്രീകരണത്തിനായി തൊടുപുഴയിലെത്തിയ ജയേഷ് ഷൂട്ടിങ് നടക്കുന്ന വീട്ടില്‍നിന്നു പുറത്തേക്കിറങ്ങിയപ്പോള്‍ ഓട്ടോറിക്ഷ ഇടിച്ചുവീഴ്ത്തുകയായിരുന്നു.ഇടിച്ച ഓട്ടോറിക്ഷ നിര്‍ത്താതെ പോവുകയും ചെയ്തു.