ദുബായ്: 13ാം സീസണ്‍ ഐ.പി.എല്ലിന്റെ മത്സരക്രമം പ്രഖ്യാപിച്ചു. മുംബൈ ഇന്ത്യന്‍സും ചെന്നൈ സൂപ്പര്‍ കിങ്‌സും തമ്മിലാണ് ആദ്യ മത്സരം. സപ്റ്റംബര്‍ 19 മുതല്‍ നവംബര്‍ 10 വരേയാണ് ഐ.പി.എല്‍ ടൂര്‍ണമെന്റ് നടത്തുന്നത്. സപ്തംബര്‍ 19നു രാത്രി 7.30നാണ് ഉദ്ഘാടന മല്‍സരം. അബൂദബിയിലെ ഷെയ്ഖ് സായിദ് സ്‌റ്റേഡിയത്തിലാണ് കന്നിയങ്കം നടക്കുക. അവസാന സീസണിലെ ഫൈനല്‍ പോരാട്ടത്തില്‍ ഏറ്റുമുട്ടിയ ടീമുകളാണ് ചെന്നൈ സൂപ്പര്‍ കിങ്‌സും മുംബൈ ഇന്ത്യന്‍സും.
ഷാര്‍ജ, ദുബായ്, അബൂദബി എന്നീ മൂന്നു വേദികളിലായിട്ടാണ് ഇത്തവണത്തെ ഐ.പി.എല്‍ മല്‍സരങ്ങള്‍ നടക്കുന്നത്. മുന്‍ സീസണുകളില്‍ നിന്ന് വ്യത്യസ്തമായി ഇത്തവണ മല്‍സരക്രമത്തില്‍ മാറ്റമുണ്ട്. രാത്രി എട്ടിന് ആരംഭിച്ചിരുന്ന മല്‍സരങ്ങള്‍ ഇത്തവണ 7.30നു തുടങ്ങും. രണ്ട് മത്സരങ്ങളുള്ള ദിവസങ്ങളില്‍ ആദ്യത്തെ മല്‍സരം 3.30നായിരിക്കും തുടങ്ങുക.