കുറ്റ്യാടി: ഇന്നത്തെ വിദ്യാഭ്യാസം കേവലം ടെക്‌നോ ക്രാറ്റുകളെയും വിവിധ തൊഴില്‍ വിദഗ്ധരെയും സൃഷ്ടിക്കുമ്പോള്‍, യഥാര്‍ഥ മനുഷ്യരെ സൃഷ്ടിക്കുന്നതില്‍ പരാജയപ്പെടുന്നുവെന്ന് എം.പി അബ്ദുസ്സമദ് സമദാനി.
കുറ്റ്യാടി മെഹ്ഫില്‍ ഓഡിറ്റോറിയത്തില്‍ വച്ച് നടന്ന റീ-സെറ്റ് ടാലന്റ്‌സ് രണ്ടാം ബാച്ചിന്റെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. വിദ്യാഭ്യാസമ്പന്നരെന്നു പറയുന്നവര്‍ അനുദിനം കൂടിവരുമ്പോഴും സമൂഹത്തില്‍ കുഴപ്പങ്ങളും പ്രശ്‌നങ്ങളും കൂടി വരുന്നു. ഈ സ്ഥിതി മാറണമെങ്കില്‍ വിദ്യാഭ്യാസം മൂല്യാധിഷ്ഠിതമാകണമെന്നും അധ്യാപന രീതി മാറണമെന്നും അദ്ദേഹം അഭിപ്രായപ്പെട്ടു.
ചടങ്ങില്‍ വിവിധ മേഖലകളില്‍ മികവ് തെളിയച്ചവരേയും വിവിധപരീക്ഷകളില്‍ മികച്ച വിജയം കൈവരിച്ച വിദ്യാര്‍ഥികളെയും അനുമോദിച്ചു.
എന്‍.എം.എം.എസ് പരീക്ഷയില്‍ മികച്ച കൈവരിച്ച വിദ്യാര്‍ഥികള്‍ക്കുള്ള നെല്ലിയാര്‍ രാമന്‍കുട്ടി നായര്‍ സ്മാരക എന്‍ഡോവ്‌മെന്റ് അദ്ദേഹത്തിന്റെ ഭാര്യ സതീദേവി ടീച്ചര്‍ വിതരണം ചെയ്തു.റീസെറ്റ് ചെയര്‍മാന്‍ ഡോ: സി.എച്ച് ഇബ്‌റാഹീംകുട്ടി അധ്യക്ഷ്യനായി.
ചങ്ങരോത്ത് ഗ്രാമ പഞ്ചായത്ത് പ്രസിഡന്റ് ശൈലജ ചെറുവോട്ട്, കെ.കെ ഹനീഫ, ടി. സലിം, ആര്‍.ബി കവിത, മൂസ കോത്തമ്പ്ര, അബ്ദുല്ലാ സല്‍മാന്‍, ഡോ: പി.ടി അബ്ദുല്‍ അസീസ്, ടി.മുഹമ്മദ് വേളം, ഡോ: ജോണ്‍സന്‍ ജോര്‍ജ്, കെ.വി കുഞ്ഞിരാമന്‍, ആര്‍. സീന സംസാരിച്ചു.