മണ്ണാര്‍ക്കാട്: നാട്ടുകാരെ ആശങ്കയിലാക്കി കോണ്‍ക്രീറ്റ് റോഡില്‍ പകലില്‍ വെയിലുളള സമയത്ത് നിഴല്‍ രൂപം കാണുന്നു. കുമരംപുത്തൂര്‍ പയ്യനെടം കുളിര്‍മുണ്ട കോണ്‍ക്രീറ്റ് റോഡിലാണ് സംഭവം. കഴിഞ്ഞ ദിവസമാണ് സംഭവം ആളുകളുടെ ശ്രദ്ധയില്‍പ്പെട്ടത്. മഴയുളള സമയത്തും, വൈകുന്നേരങ്ങളിലും നിഴല്‍ രൂപം കാണുന്നില്ലെങ്കിലും വെയിലുളള സമയത്താണ് മനുഷ്യ രൂപത്തിന് സമാനമായ നിഴല്‍ കാണുന്നത്. സംഭവത്തെ കുറിച്ച് പ്രദേശത്ത് പല കിംവദന്തികളും പരക്കുന്നുണ്ട്. എന്നാല്‍ റോഡ് നിര്‍മ്മാണ സമയത്ത് കോണ്‍ക്രീറ്റിനടിയില്‍ കുടുങ്ങിയ ചാക്കുപോലെയുളള വസ്തുക്കളില്‍ മഴവെളളമിറങ്ങി വെയിലുളള സമയത്ത് ഇതിന്റെ നനവാണ് നിഴല്‍ രൂപമായി കാണുന്നതെന്ന അഭിപ്രായവും ഉയര്‍ന്നിട്ടുണ്ട്. പ്രദേശത്ത് ഇന്നലെ മുതല്‍ ഇതുമായി ബന്ധപ്പെട്ട പലവിധ കിംവദന്തികള്‍ പരക്കുന്നുണ്ട്.