കൊച്ചി: കൊച്ചി മെട്രോ തൈക്കൂടം-പേട്ട പാതയുടെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. കേന്ദ്രമന്ത്രി ഹര്‍ദീപ് സിങ് പുരി ഉദ്ഘാടന ചടങ്ങില്‍ അധ്യക്ഷനായി. കൊവിഡ് പശ്ചാത്തലത്തില്‍ ഓണ്‍ലൈനിലൂടെയാണ് മന്ത്രി ചടങ്ങുകളില്‍ പങ്കെടുത്തത്.

അതേസമയം, എസ്.എന്‍. ജംഗ്ഷന്‍ മുതല്‍ തൃപ്പൂണിത്തുറവരെയുള്ള മെട്രോയുടെ രണ്ടാംഘട്ട നിര്‍മാണത്തിന്റെ ഉദ്ഘാടനവും ചടങ്ങില്‍ നിര്‍വഹിച്ചു. കെ.എം.ആര്‍.എല്ലിനാണ് ഇനിയുള്ള മെട്രോയുടെ നിര്‍മാണച്ചുമതല.

ഉദ്ഘാടന ചടങ്ങില്‍ കൊച്ചി മേയര്‍ സൗമിനി ജെയിന്‍, ഹൈബി ഈഡന്‍ എം.പി., എം.എല്‍.എമാരായ പി.ടി. തോമസ്, എം. സ്വരാജ് തുടങ്ങിയവര്‍ പങ്കെടുത്തു.