ക്വലാംലംപുര്‍: മലേഷ്യന്‍ ഓപ്പണ്‍ നീന്തല്‍ ചാംപ്യന്‍ഷിപ്പില്‍ ഒളിംപ്യന്‍ സാജന്‍ പ്രകാശിന്റെ മെഡല്‍ കൊയ്ത്ത്. മൂന്ന് സ്വര്‍ണവും ഒരു വെള്ളിയുമാണ് സാജന്‍ നേടിയത്.

ക്വലാലംപുരില്‍ സമാപിച്ച നീന്തല്‍ ചാംപ്യന്‍ഷിപ്പിലാണ് സാജന്‍ പ്രകാശ് മെഡലുകള്‍ നീന്തിയെടുത്തത്. പുരുഷന്മാരുടെ 100, 200 മീറ്റര്‍ ബട്ടര്‍ഫ്‌ളൈ, 800 മീറ്റര്‍ ഫ്രീസ്റ്റൈല്‍ ഇനങ്ങളിലാണ് സ്വര്‍ണം നേടിയത്. 400 മീറ്റര്‍ ഫ്രീസ്റ്റൈലിലാണ് വെള്ളി. 200 മീറ്റര്‍ ബട്ടര്‍ഫ്‌ളൈയില്‍ 1:58.03 സെക്കന്‍ഡില്‍ ഫിനിഷ് ചെയ്ത സാജന്‍ പുതിയ മീറ്റ് റെക്കോര്‍ഡും കുറിച്ചു.