തിരുവനന്തപുരം: പ്രളയബാധിത പ്രദേശങ്ങള്‍ സന്ദര്‍ശിക്കാനായി രാജ്യസഭാ പ്രതിപക്ഷ നേതാവും എ.ഐ.സി.സി ജന. സെക്രട്ടറിയുമായ ഗുലാം നബി ആസാദ് ഇന്ന് കേരളത്തിലെത്തുമെന്ന് കെ.പി.സി.സി പ്രസിഡന്റ് എം.എം ഹസന്‍ അറിയിച്ചു.
രാവിലെ 11.30ന് കൊച്ചിയിലെത്തുന്ന അദ്ദേഹം ആലുവ, കളമശ്ശേരി, പറവൂര്‍ എന്നിവിടങ്ങള്‍ സന്ദര്‍ശിക്കും. നാളെ രാവിലെ മലപ്പുറത്തെ ചെറുകാവ്, ഊര്‍ങ്ങാട്ടിരി, ചാലിയാര്‍ എന്നിവിടങ്ങളിലെ ഉരുള്‍പ്പൊട്ടലില്‍ മരിച്ചവരുടെ കുടുംബാംഗങ്ങളെ സന്ദര്‍ശിക്കും. കോഴിക്കോട് ഡി.സി.സി മത്സ്യത്തൊഴിലാളികള്‍ക്കു നല്‍കുന്ന സ്വീകരണ പരിപാടിയില്‍ വൈകിട്ട് പങ്കെടുക്കും. തുടര്‍ന്ന് സെപ്റ്റംബര്‍ രണ്ടിന് രാവിലെ കോഴിക്കോട് നിന്നും ഡല്‍ഹിയിലേക്കു മടങ്ങുമെന്നും ഹസന്‍ അറിയിച്ചു.