തിരുവനന്തപുരം: പ്രളയത്തില്‍ തകരാറിലായ വൈദ്യുതി കണക്ഷനുകള്‍ പുനഃസ്ഥാപിക്കുന്ന ജോലികള്‍ പൂര്‍ണമായും സൗജന്യമായാണ് ചെയ്യുന്നതെന്ന് കെ.എസ്.ഇ.ബി.
ഇതിനായി ഉപഭോക്താക്കള്‍ യാതൊരു തരത്തിലുള്ള അപേക്ഷയോ ഫീസോ നല്‍കേണ്ട. വീടുകളിലെ വയറിങ് തകരാറുകള്‍ പരിശോധിക്കുന്നതിനായി വയര്‍മാന്‍മാരുടേയും സാങ്കേതിക വിദ്യാഭ്യാസ സ്ഥാപനങ്ങളിലെ വിദ്യാര്‍ഥികളുടേയും സൗജന്യസേവനം ആവശ്യമുള്ളവര്‍ അതത് പ്രദേശങ്ങളിലെ ഓഫിസുകളുമായി ബന്ധപ്പെടണമെന്നും കെ.എസ്.ഇ.ബി അറിയിച്ചു.
വയറിങിലെ തകരാര്‍മൂലം വൈദ്യുതി കണക്ഷന്‍ പുനഃസ്ഥാപിക്കാന്‍ താമസം നേരിടുന്ന വീടുകളില്‍ അടിയന്തരമായി സിംഗിള്‍ പോയിന്റ് കണക്ഷന്‍ സൗജന്യമായി കെ.എസ്.ഇ.ബി തന്നെ സ്ഥാപിച്ച് നല്‍കുന്നുമുണ്ട്.