കൊല്ലം: കൊച്ചിയില്‍ ഹൈക്കോടതി വളപ്പിലും ചാത്തന്നൂര്‍ കെ.എസ്.ആര്‍.ടി.സി ഡിപ്പോയിലും മാധ്യമപ്രവര്‍ത്തകര്‍ക്ക് നേരെ നടന്ന അതിക്രമത്തില്‍ പ്രതിഷേധിച്ച് കേരള പത്രപ്രവര്‍ത്തക യൂനിയന്‍ സംസ്ഥാന കമ്മിറ്റിയുടെ ആഹ്വാനപ്രകാരം പത്രപ്രവര്‍ത്തകയൂനിയന്‍ കൊല്ലം ജില്ലാ കമ്മിറ്റി കൊല്ലം കലക്‌ട്രേറ്റിലേക്ക് പ്രതിഷേധ പ്രകടനം നടത്തി. കലക്‌ട്രേറ്റ് പടിക്കല്‍ നടന്ന യോഗം പ്രസിഡന്റ് സി.വിമല്‍കുമാര്‍ ഉദ്ഘാടനം ചെയ്തു.
 വാര്‍ത്തകള്‍ റിപ്പോര്‍ട്ട് ചെയ്യാന്‍ പോകുന്ന മാധ്യമപ്രവര്‍ത്തകരുടെ സുരക്ഷിതത്വം ഉറപ്പുവരുത്തണമെന്നും പ്രസിഡന്റ് ആവശ്യപ്പെട്ടു.
ജില്ലാ സെക്രട്ടറി ഡി ജയകൃഷ്ണന്‍, എസ് ശ്രീലത എന്നിവര്‍ സംസാരിച്ചു.