കണ്ണൂര്‍: എസ്.കെ.എസ്.എസ്.എഫ് ത്വലബാ സംസ്ഥാന സമിതി 'ഭക്ഷണം, ശുചിത്വം, വ്യായാമം'എന്ന പ്രമേയത്തില്‍ നടത്തുന്ന ആരോഗ്യ ജാഗ്രതാ കാംപയിന്റെ ഭാഗമായുള്ള ഉത്തരമേഖലാ ആരോഗ്യ ബോധവല്‍ക്കരണ സദസ് ഇന്ന് വൈകിട്ട് മൂന്നിന് മാണിയൂര്‍ ബുസ്താനുല്‍ ഉലൂം അറബിക് കോളജില്‍ നടക്കും.
കര്‍ണാടകയിലെയും കണ്ണൂര്‍, വയനാട്, കാസര്‍കോട് ജില്ലകളില്‍ നിന്നുള്ള സ്ഥാപനങ്ങളിലെയും പ്രതിനിധികള്‍ പങ്കെടുക്കും. എസ്.കെ.എസ്.എസ്.എഫ് ജില്ലാ പ്രസിഡന്റ് അഹ്മദ് ബഷീര്‍ ഫൈസി മാണിയൂര്‍ ഉദ്ഘാടനം ചെയ്യും. ത്വലബാ സംസ്ഥാന വൈസ് ചെയര്‍മാന്‍ സൈഫുദ്ദീന്‍ തങ്ങള്‍ അധ്യക്ഷനാകും. കണ്ണൂര്‍ ഫുഡ് സേഫ്റ്റി ഓഫിസര്‍ കെ.പി മുസ്തഫ, എസ്.കെ.എസ്.എസ്.എഫ് ജില്ലാ ജന.സെക്രട്ടറി ബഷീര്‍ അസ്അദി നമ്പ്രം, ബുസ്താനുല്‍ ഉലൂം ജന.സെക്രട്ടറി സി.കെ.കെ മാണിയൂര്‍ എന്നിവര്‍ ക്ലാസിനു നേതൃത്വം നല്‍കും. ഡോ. പി.ടി അബ്ദുല്‍ കബീര്‍, ത്വലബാ സംസ്ഥാന ജോ. കണ്‍വീനര്‍ സുഹൈല്‍ ഇരിട്ടി, കര്‍ണാടക ത്വലബ കണ്‍വീനര്‍ നഈം മുക്‌വെ, സംസ്ഥാന സമിതിയംഗം മുആദ് കണ്ണൂര്‍, ജില്ലാ ചെയര്‍മാന്‍ അബ്ദുല്ല മാണിയൂര്‍, കണ്‍വീനര്‍ ആദില്‍ കണ്ണൂര്‍ പങ്കെടുക്കും.