പെരുമ്പാവൂര്‍: ജയ്ഭാരത് കോളജിലെ എം.എസ്.ഡബ്ല്യു ഡിപ്പാര്‍ട്ടുമെന്റിലെ വിദ്യാര്‍ഥികളും അധ്യാപകരും പുനരധിവാസ പ്രവര്‍ത്തനങ്ങളുമായി ബന്ധപ്പെട്ട് ചിറ്റേറ്റുകര പഞ്ചായത്തുമായി സഹകരിച്ച് പുനരധിവാസ സര്‍വേ നടത്തി.
ഇതിന്റെ അടിസ്ഥാനത്തില്‍ അവരുടെ മാനസിക ആരോഗ്യ ആവശ്യങ്ങള്‍ വിലയിരുത്തുകയും തുടര്‍ന്ന് ഗ്രൂപ്പ് കൗണ്‍സിലിങ്ങിലൂടെയും റിലാക്‌സേഷന്‍ ടെക്‌നിക്കിലൂടെയും അതിജീവനമാര്‍ഗങ്ങള്‍ നിര്‍ദേശിച്ചു കൊണ്ടുള്ള പ്രവര്‍ത്തനങ്ങളും നടത്തി.
ഇതിനു പുറമെ സാമ്പത്തികമായി പിന്നോക്കം നില്‍ക്കുന്ന ദുരിതബാധിത കുടുംബങ്ങളില്‍ കിറ്റ് വിതരണവും നടത്തി വരുന്നുണ്ട്.