കാസര്‍കോട്: ചെങ്കളയില്‍ മൂന്നംഗ കുടുംബത്തെ താമസസ്ഥലത്ത് മരിച്ചനിലയില്‍ കണ്ടെത്തി. ചെങ്കള തൈവളപ്പിന് സമീപം വാടക ക്വാര്‍ട്ടേഴ്‌സില്‍ താമസിക്കുന്ന തിരുവനന്തപുരം സ്വദേശി മിഥ്‌ലാജ് (45), ഭാര്യ മാസ്തിക്കുണ്ട് സ്വദേശിനി സാജിദ (35), സാജിദയുടെ ആദ്യവിവാഹത്തിലെ മകന്‍ സഹദ് (15) എന്നിവരെയാണ് മരിച്ചനിലയില്‍ കണ്ടെത്തിയത്.
ഇന്ദിരാനഗറില്‍ ടെയ്‌ലറിങ് കട നടത്തുന്ന കുടുംബത്തെ രാവിലെ വൈകിയും പുറത്തു കാണാത്തതിനെത്തുടര്‍ന്ന് അയല്‍വാസികള്‍ നോക്കിയപ്പോഴാണ് മരിച്ചനിലയില്‍ കണ്ടെത്തിയത്.
തുടര്‍ന്ന് സ്ഥലത്തെത്തിയ പൊലിസ് വീട്ടില്‍ നിന്ന് കീടനാശിനിയും എലിവിഷവും കണ്ടെടുത്തു. കുടുംബം അഞ്ചുവര്‍ഷമായി തൈവളപ്പിലെ ക്വാര്‍ട്ടേഴ്‌സില്‍ താമസിച്ചുവരികയാണ്. പരേതനായ അബ്ദുള്‍ അസീസിന്റെയും മറിയുമ്മയുടെയും മകളാണ് സാജിത. സഹോദരങ്ങള്‍: നൗഫല്‍ മുഹമ്മദ്, നൂര്‍ജഹാന്‍, മുസലിന ബാനു, റൂബിന. സഹദ് കാസര്‍കോട് ഗവ. ഹയര്‍സെക്കന്‍ഡറി സ്‌കൂളിലെ ഏഴാം ക്ലാസ് വിദ്യാര്‍ഥിയാണ്.