കൊച്ചി: സംസ്ഥാനത്ത് റീപോളിങ് നടക്കുന്ന ഏക ബൂത്തായ കടുങ്ങല്ലൂരില്‍ റീ പോളിംഗ് പുരോഗമിക്കുന്നു.
എറണാകുളം ലോക്‌സഭ മണ്ഡലത്തിലെ കളമശേരി നിയോജക മണ്ഡലത്തിലെ കിഴക്കേ കടുങ്ങല്ലൂര്‍ 83ാം ബൂത്തിലാണ്‌
റീപോളിങ്  പുരോഗമിക്കുന്നത്. രാവിലെ ഏഴ് മുതല്‍ വൈകീട്ട് ആറുവരെയാണ് വോട്ടെടുപ്പ്.
പോള്‍ ചെയ്ത 715 വോട്ടിനേക്കാള്‍ 43 വോട്ടുകള്‍ അധികം ഇവിഎമ്മില്‍ കണ്ടെത്തിയതിനെ തുടര്‍ന്നാണ് വീണ്ടും റീപോളിങ് നടത്തുന്നത്. ആകെ 187 വീടുകളാണ് 83ാം നമ്പര്‍ ബൂത്തിലുള്ളത്. 187 വീടുകളിലായി 925 വോട്ടര്‍മാരും ഉണ്ട്.

മോക്ക് പോളില്‍ രേഖപ്പെടുത്തിയ വോട്ടുകള്‍ നീക്കം ചെയ്യാന്‍ ഉദ്യോഗസ്ഥര്‍ വിട്ടു പോയതിനെ തുടര്‍ന്നാണ് കൂടുതല്‍ വോട്ടുകള്‍ രേഖപ്പെടുത്തിയത്.