ചേളാരി: സമസ്ത കേരള ജംഇയ്യത്തുല്‍ മുഅല്ലിന്‍ സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ നടന്നുവരുന്ന മുഅല്ലിം ഡേ കാംപയിന്റെ സമാപന ദുആ സംഗമം നാളെ രാത്രി ഏഴിന് ഓണ്‍ലൈനില്‍ നടക്കും. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാരുടെ പ്രാര്‍ഥനയോടെ ആരംഭിക്കുന്ന സംഗംമം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
സമസ്ത കേരള ജംഇയ്യത്തുല്‍ ഉലമാ ജന. സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, ജംഇയ്യത്തുല്‍ മുഅല്ലിമീന്‍ പ്രസിഡന്റ് ഡോ. ബഹാഉദ്ദീന്‍ മുഹമ്മദ് നദ്‌വി മുഖ്യ പ്രഭാഷണം നടത്തും. വിദ്യാഭ്യാസ ബോര്‍ഡ് ജന. സെക്രട്ടറി എം.ടി അബ്ദുല്ല മുസ്‌ലിയാര്‍, ജംഇയ്യത്തുല്‍ മുഅല്ലിമീന്‍ സെക്രട്ടറി വാക്കോട് മൊയ്തീന്‍കുട്ടി ഫൈസി, ഡോ. എന്‍.എ.എം അബ്ദുല്‍ ഖാദര്‍, എം. അബൂബക്കര്‍ മൗലവി ചേളാരി, ഹുസൈന്‍കുട്ടി മൗലവി പുളിയാട്ടുകുളം, കെ.കെ ഇബ്‌റാഹിം മുസ്‌ലിയാര്‍ പ്രസംഗിക്കും. ജംഇയ്യത്തുല്‍ മുഅല്ലിമീന്‍ ട്രഷറര്‍ മാണിയൂര്‍ അഹ്മദ് മൗലവി സമാപന പ്രാര്‍ഥനയ്ക്ക് നേതൃത്വം നല്‍കും.
പ്രസിഡന്റ് ഡോ. ബഹാഉദ്ദീന്‍ മുഹമ്മദ് നദ്‌വിയുടെ അധ്യക്ഷതയില്‍ ചേര്‍ന്ന യോഗത്തില്‍ പരിപാടികള്‍ക്ക് അന്തിമ രൂപം നല്‍കി. ഡോ. എന്‍.എ.എം അബ്ദുല്‍ ഖാദര്‍, കെ.കെ ഇബ്‌റാഹിം മുസ്‌ലിയാര്‍, എം.എ ചേളാരി, കെ.ടി ഹുസൈന്‍കുട്ടി മൗലവി, പി. ഹസൈനാര്‍ ഫൈസി പ്രസംഗിച്ചു. കൊടക് അബ്ദു റഹിമാന്‍ മുസ്‌ലിയാര്‍ സ്വാഗതവും മുഅല്ലിം ഡെ കോഡിനേറ്റര്‍ അബ്ദുസ്സമദ് മുട്ടം നന്ദിയും പറഞ്ഞു.