കൊപ്പം: തൂതപ്പുഴക്ക് കുറുകെയുള്ള തടയണയില്‍ സുലഭമായി വെള്ളം നില്‍ക്കുമ്പോഴും കുടിവെള്ളം കിട്ടാതെ വലയുകയാണ് പൊതുജനം. ഇതുവരെ തടയണ തകര്‍ന്നതും വെള്ളമില്ലാത്തതുമായിരുന്നു പ്രശ്‌നമെങ്കില്‍ ഇപ്പോള്‍ മോട്ടോര്‍ തകരാറാണ് പുതിയ കാരണം പഞ്ചായത്തിന്റെ പലയിടങ്ങളിലും കുടിവെള്ളം എത്തിയിട്ട് അഞ്ച് ദിവസം പിന്നിട്ടു. പൈപ്പ് വെള്ളത്തെ മാത്രം ആശ്രയിച്ചു കഴിയുന്ന കുടുംബങ്ങളാണ് ഏറെ പ്രയാസം നേരിടുന്നത്.
പുഴയിലെ അന്‍പത് കുതിരശക്തിയുടെ മോട്ടോറാണ് വീണ്ടും തകരാറിലായത്. തെരെഞ്ഞെടുപ്പിന് തൊട്ടു മുന്‍പ് ഇത്തരം പ്രയാസം നേരിട്ടപ്പോള്‍ ഉടന്‍ പരിഹാരം കാണാന്‍ ഓടിയെത്തുകയും കുടിവെള്ള വിതരണം നടത്തുകയും ചെയ്തിരുന്ന രാഷ്ട്രീയ പാര്‍ട്ടി നേതാക്കളോ മറ്റു അധികാരികളോ കുടിവെള്ള വിഷയത്തില്‍ ഇപ്പോള്‍ താല്‍പര്യം കാണിക്കുന്നില്ലെന്നും പരാതി ഉയരുന്നുണ്ട്.