കൊല്ലം: വൈ ഡാനിയല്‍ ഫൗണ്ടേഷന്റെയും റോട്ടറി ക്ലബ് ഓഫ് ക്വയിലോണ്‍ ലോട്ടസ്,കൊല്ലം മെട്രോ എന്നിവയുടെയും നേതൃത്വത്തില്‍ റോട്ടറി ഡിസ്ട്രിക്ട്-3211 പ്രളയബാധിതമേഖലകളില്‍ ദുരിതാശ്വാസ പ്രവര്‍ത്തനങ്ങള്‍ നടത്തി.
പാകംചെയ്ത ഭക്ഷണം,കുടിവെള്ളം,വസ്ത്രങ്ങള്‍ ഉള്‍പ്പെടെ ദുരിതബാധിതര്‍ക്ക് നല്‍കി. കൂടാതെ നാല് ബോട്ടുകള്‍ രക്ഷാപ്രവര്‍ത്തനങ്ങള്‍ക്ക് എത്തിച്ചുകൊടുത്തു. തുടര്‍ന്ന് രണ്ടാംഘട്ടമായി ശുചീകരണപ്രവര്‍ത്തനങ്ങള്‍ നടത്തി. കുട്ടനാട്ടും ചെങ്ങന്നൂരും കുടിവെള്ളം ശുചീകരിക്കുന്നതിനുള്ള രണ്ട് പ്ലാന്റുകള്‍ സ്ഥാപിച്ചതായി ദുരിതാശ്വാസപ്രവര്‍ത്തനങ്ങളുടെ കോര്‍ഡിനേറ്റര്‍ ജോണ്‍ ഡാനിയല്‍ വാര്‍ത്താസമ്മേളനത്തില്‍ അറിയിച്ചു.