ചങ്ങനാശേരി: കുട്ടനാട്ടിലെ പ്രളയദുരന്തമനുഭവിച്ചവര്‍ താമസിച്ചിരുന്ന ക്യാമ്പുകളില്‍ ഭാരത് സ്‌കൗട്ട് ആന്റ് ഗൈഡ്‌സിന്റെ വാളന്റിയര്‍മാരുടെ നേതൃത്വത്തില്‍ ദുരിതാശ്വാസ പ്രവര്‍ത്തനം നടത്തിയശേഷം രണ്ടാംഘട്ടം എന്ന നിലയില്‍ പുനരധിവാസ പ്രക്രിയ എളുപ്പമാക്കുവാന്‍ വീടുകള്‍ ശുചിയാക്കാനുള്ള അയ്യായിരത്തോളം ലിറ്റര്‍ ലോഷനുകളും ബ്ലീച്ചിംഗ് പൗഡറുകളും നിര്‍മിച്ച് വിതരണം ചെയ്തു.തുടര്‍ പ്രവര്‍ത്തനമെന്ന നിലയില്‍ വീടുകള്‍ ക്ലീന്‍ ചെയ്തു കൊടുക്കുവാനും കിണറുകള്‍ ക്ലോറിനേറ്റു ചെയ്തു നല്‍കുവാനും പ്ലാസ്റ്റിക്ക് വേയ്സ്റ്റുകള്‍ സംഭരിക്കുവാനും പദ്ധതി തയ്യാറാക്കിയിട്ടുണ്ടെന്ന് ലോക്കല്‍ അസോസിയേഷന്‍ സെക്രട്ടറി ആന്‍സി മേരി ജോണ്‍, സി.നന്ദകുമാര്‍, സിസ്റ്റര്‍ പൊന്നുമോള്‍ പി.ജി എന്നിവര്‍ അറിയിച്ചു.