പരപ്പനങ്ങാടി: ജിദ്ദ പാലത്തിങ്ങല്‍ ഏരിയ മുസ്‌ലിം വെല്‍ഫെയര്‍ കമ്മറ്റിയുടെ നേതൃത്വത്തില്‍ നിര്‍ധന കുടുംബങ്ങള്‍ക്കു വീടുനിര്‍മാണത്തിനു സഹായിക്കുന്നതിനുആവിഷ്‌ക്കരിച്ച പ്രവാസിഭവന്‍ പദ്ധതിയുടെ ഉദ്ഘാടനവും ഉന്നത വിജയംനേടിയവര്‍ക്കുള്ള  അവാര്‍ഡ് ദാനവും മുസ്‌ലിംലീഗ് പഠന ക്യാമ്പും ഇന്നു പാലത്തിങ്ങല്‍ എ.എം.യു.പി.സ്‌കൂളില്‍ നടക്കും. വൈകുന്നേരം നാലിനു നടക്കുന്ന പരിപാടിയില്‍ പി.കെ.അബ്ദുറബ്ബ് എംഎല്‍എ, അഡ്വ.കെ.എന്‍.എ.ഖാദര്‍, ജിദ്ദാ കമ്മറ്റി പ്രസിഡണ്ട് താപ്പി അബ്ദുള്ളക്കുട്ടിഹാജി തുടങ്ങിയവര്‍ പ്രസംഗിക്കും. വൈകുന്നേരം ഏഴിനുള്ള പഠനക്യാമ്പില്‍ അഡ്വ.പി.എം.സാദിഖലി, അഡ്വ. പി.വി.മനാഫ് അരീക്കോട് ക്ലാസെടുക്കും.