തേഞ്ഞിപ്പലം: ചാന്ദ്രയാന്‍ ദിനാഘോഷത്തിന്റെ ഭാഗമായി പുത്തൂര്‍ പള്ളിക്കല്‍ എ.എം.യു.പി സ്‌കൂള്‍ അങ്കണത്തില്‍ പ്രതീകാത്മകമായി ഇന്ത്യയുടെ അഭിമാനമായ ചന്ദ്രയാന്‍ വിക്ഷേപണ വേദിയായത് വിദ്യാര്‍ഥികള്‍ക്കും അധ്യാപകര്‍ക്കും കൗതുകമായി.
പരിസരത്തു കിട്ടാവുന്ന വസ്തുക്കള്‍ ഉപയോഗപ്പെടുത്തിയാണ് സ്‌കൂള്‍ സയന്‍സ് ക്ലബ് വിദ്യാര്‍ഥികളും ശാസ്ത്ര അധ്യാപകരും ചേര്‍ന്ന് ഐ.എസ്.ആര്‍.ഒയുടെ പി.എസ്.എല്‍.വി റോക്കറ്റിന്റെ കൂറ്റന്‍ മാതൃക തയ്യാറാക്കി പ്രദര്‍ശിപ്പിച്ചത്. കൂടാതെ ചാന്ദ്ര ഗാനാലാപനവും പതിപ്പ് നിര്‍മ്മാണ ക്വിസ് മത്സരവും നടന്നു. വിദ്യാര്‍ഥികളായ ഷറിന്‍, നാസിഫ്, പി.സി സനില്‍ എന്നിവരാണ് ശാസ്ത്രജ്ഞരായി വേഷമിട്ടത്. അധ്യാപകരായ എം.എ റഷീദ്, പി സാബിന, പി.സി റഷീദ്, ഇഷ്‌റത്ത്, കെ.വി ഹമ്മദ് കുട്ടി നേതൃത്വം നല്‍കി.